Тамаддун бешиги ҳисобланган Бойсуннинг Паданг қишлоғида бугун ўзгача баҳор нафаси

“Бойсун баҳори” халқаро фестивалида иштирок этаётган фольклор жамоалари марказий саҳнада ўз чиқишлари билан беллашмоқда.

Беллашувда республикамизнинг 14 та, хорижий давлатларнинг 5 та фольклор жамоалари иштирок этмоқда. Жумладан, Буюк Британия, Франция, Қозоғистон, Қирғизистон ҳамда Тожикистон давлатларининг фольклор жамоалари ташриф буюришган.

Дастлаб, беллашувни Андижон вилоятининг фольклор жамоаси ўзига хос миллий қўшиқ ва рақслари билан бошлаб берди.

Фольклор жамоаларнинг чиқишлари давом этмоқда. Айни вақтда Наманган вилояти жамоаси томошабинларга ўз чиқишлари намойиш этмоқда.