2023-yil 2-chorak yakunlariga ko‘ra jamoatchilik fikri asosida shakllantirilgan tadbirlarni moliyalashtirishga yo‘naltirilgan mablag‘lar to‘g‘risidagi hisobotini tasdiqlash haqida

O‘zbekiston Respublikasi Prezidentining 2021-yil 13-apreldagi “Budjet jarayonida fuqarolarning faol ishtirokini ta’minlash bo‘yicha qo‘shimcha chora tadbirlar to‘g‘risida”gi PQ-5072-sonli qarori hamda O‘zbekiston Respublikasi Oliy Majlis Senati Kengashining 2022-yil 18-apreldagi “Jamoatchilik fikri asosida shakllantirilgan tadbirlar bajarilishi yuzasidan Qoraqalpog‘iston Respublikasi Vazirlar Kengashi Raisi, viloyatlar va Toshkent shahar, tumanlar va shaharlar hokimlarining hisobotlarini eshitib borish to‘g‘risida”gi KQ-334-VI-sonli qarori ijrosini ta’minlash yuzasidan xalq deputatlari Qiziriq tuman Kengashi qaror qiladi:

1. O‘zbekiston Respublikasi Oliy Majlis Senati Kengashining 2022-yil
   18-apreldagi “Jamoatchilik fikri asosida shakllantirilgan tadbirlar bajarilishi yuzasidan Qoraqalpog‘iston Respublikasi Vazirlar Kengashi Raisi, viloyatlar va Toshkent shahar, tumanlar va shaharlar hokimlarining hisobotlarini eshitib borish to‘g‘risida”gi KQ-334-VI-sonli qaroriga asosan Jamoatchilik fikri asosida shakllantirilgan tadbirlar bajarilishi yuzasidan har chorak yakunida hisobot berib borilishi belgilanganligi ma’lumot uchun qabul qilinsin.
2. Tuman Iqtisodiyot va moliya bo‘limi boshlig‘i I.Tilovmurodovning tuman hokimligi tomonidan jamoatchilik fikri asosida shakllantirilgan tadbirlarga mablag‘larni yo‘naltirish hamda ushbu mablag‘larni boshqa maqsadli foydalanilishini ta’minlash bo‘yicha hisoboti ma’qullansin.
3. Tuman hokimligi hamda tuman Kengashi tuman mahalliy budjetining
   2023-yil boshida shakllangan erkin qoldiq mablag‘lari va choraklar yakuniga ko‘ra daromadlar rejasining oshirib bajarilgan qismi hisobidan kamida 30 foizini “Tashabbusli budjet” jamg‘armasiga o‘tkazib borilishini ta’minlasin.
4. 2023-yil 2-chorakda jamoatchilik fikri asosida shakllantirilgan tadbirlarni moliyalashtirishga yo‘naltirilgan mablag‘lar, ya’ni tashabbusli budjetlashtirish natijalari bo‘yicha ma’lumotlar va tashabbusli budjetlashtirish natijalari bo‘yicha ma’lumotlar 1-ilovaga;

2023-yil 2-chorakda o‘tkazilgan tashabbusli budjet jarayoni yakunlariga ko‘ra ishlarni amalga oshirish uchun ajratilgan mablag‘lar bilan shartnomalarga muvofiq yakuniy mablag‘larga nisbatan bo‘shab qolgan (iqtisod qilingan) qismini jamg‘armaga qayta tiklash miqdori to‘g‘risidagi ma’lumot 2-ilovaga muvofiq tasdiqlansin.

5. Tuman Iqtisodiyot va moliya bo‘limi (I.Tilovmurodov) hamda tuman g‘aznachilik bo‘linmasi (G‘.Saidov)lar shartnomalarga muvofiq yakuniy mablag‘larga nisbatan bo‘shab qolgan (iqtisod qilingan) qismini jamg‘armaga belgilangan tartibda qayta tiklash va tashabbusli budjetlashtirish natijalari bo‘yicha hisobotlarni “Ochiq budjet” axborot portaliga joylashtirib borish vazifalari yuklatilsin.
6. Tuman hokimligi axborot xizmati (A.Bo‘riyev)ga qarorning 1, 2-ilovalariga muvofiq shakllarda “Fuqarolar tashabbusi jamg‘armasi”ga yo‘naltiriladigan mablag‘lar miqdorini hamda ushbu mablag‘lardan maqsadli va samarali ishlatilishi to‘g‘risidagi ma’lumotlarni tuman hokimligi rasmiy veb-saytlariga joylashtirish va har chorak yakunlariga ko‘ra, keyingi chorak birinchi oyining 5 sanasiga qadar joylashtirib borish vazifalari yuklatilsin.
7. Mazkur qaror bajarilishini nazorat qilish xalq deputatlari tuman Kengashining Mahalliy byudjet, iqtisodiy islohotlarni amalga oshirish, turizm, investitsiyalar va tadbirkorlikni rivojlantirish masalalari bo‘yicha doimiy komissiyasi (Y.Umbarov), ijrosini ta’minlash moliya-iqtisodiyot va kambag‘allikni qisqartirish masalalari bo‘yicha birinchi o‘rinbosari R.Xamrayev zimmasiga yuklatilsin.
8. 8. Ushbu qaror qabul qilingan kundan kuchga kiradi.

ХАЛҚ ДЕПУТАТЛАРИ ҚИЗИРИҚ ТУМАНИ КЕНГАШИНИНГ ҚАРОРИ

20__-йил “___”______                                                                 № ___/VI-64                                                                    Қизириқ т.

“Ташаббусли бюджет”нинг 2023-йил март ва апрел ойларида ўтказилган биринчи босқичида жамоатчилик фикри асосида туманда шаклланган тадбирларни молиялаштириш бўйича манзилли рўйхатни тасдиқлаш тўғрисида.

“Ташаббусли бюджет”нинг 2023-йил март ва апрел ойларида ўтказилган биринчи босқичида жамоатчилик фикри асосида туманда шаклланган тадбирларни молиялаштириш бўйича манзилли рўйхатни тасдиқлаш тўғрисида ҳамда туман ҳокимлиги ҳузурида ташкил қилинган фуқаролар ташаббуси жамғармаси маблағлари ҳисобидан жамоатчилик фикри асосида белгиланган тадбирларни молиялаштириш мақсадида халқ депутатлари туман Кенгашининг маҳаллий бюджет, иқтисодий ислоҳотларни амалга ошириш, туризм, инвестициялар ва тадбиркорликни ривожлантириш масалалари бўйича доимий комиссиясига берган ахбороти ва билдирилган таклифлар, фикр-мулоҳазалардан келиб чиқиб, “Маҳаллий давлат ҳокимияти тўғрисида”ги Ўзбекистон Республикаси Қонунининг 6 ва 24-моддаларига мувофиқ, халқ депутатлари туман Кенгаши қарор қилади:

1. Қизириқ тумани бўйича 2023-йил март ва апрел ойларида ўтказилган биринчи босқичида жамоатчилик фикри асосида шаклланган тадбирларни кўриб чиқиш ва молиялаштириш бўйича манзилли рўйхат тасдиқлансин.
2. Ўзбекистон Республикаси Президентининг 2023-йил 10-апрелдаги “Ташшабусли бюджетлаштириш амалиётини янада такомиллаштириштириш ҳамда фаол маҳаллаларни қўллаб-қувватлаш чора-тадбирлари тўғрисида”ги ПҚ-118-сон қарори билан 2000 дан ортиқ овоз йиғилганлиги сабабли ғолиб деб топилган 3 500 00 000 (уч миллиард беш юз миллион) сўмлик 3 та лойиҳа ғолиб деб топилганлиги инобатга олинсин.
3. Туман ҳокимлиги ҳузурида ташкил қилинган фуқаролар ташаббуси жамғармаси маблағлари ҳисобидан жамоатчилик фикри асосида белгиланган тадбирларни молиялаштириш иловага мувофиқ тасдиқлансин.
4. Иловада белгиланган буюртмачи ташкилот рахбарлари товар-моддий бойликлар (хизматлар) харид қилиш, бино ва иншоотларни жорий ёки капитал таъмирлаш (реконстуксия қилиш) бўйича, бино ва иншоотлар қуриш (барпо этиш) бўйича тадбирлар учун ажратилган маблағни қонунчиликда ўрнатилган тартибда самарали ва мақсадли сарфланишини таъминласин.
5. Туман ҳокимлиги Ахборот хизмати (А.Бўриев), “Тараққиёт” газетаси (Ч.Алимов) га ғолиб деб топилган ташаббуслар яъни 2023-йил март ва апрел ойларида ўтказилган биринчи босқичда жамоатчилик фикри асосида шаклланган тадбирларни молиялаштириш бўйича манзилли рўйхатни ҳамда ушбу жамоатчилик фикри асосида шакллантирилган тадбирларнинг молиялаштирилиши бўйича маълумотлар ва амалга оширилаётган ишларни кенг жамоатчиликка мунтазам равишда етказиб бериш тавсия этилсин.
6. Ушбу қарорнинг бажарилишини назорат қилиш халқ депутатлари туман Кенгашининг маҳаллий бюджет, иқтисодий ислоҳотларни амалга ошириш, туризм, инвестициялар ва тадбиркорликни ривожлантириш масалалари бўйича доимий комиссияси (Ю.Умбаров) зиммасига юклатилсин.
7. Мазкур қарор қабул қилинган кундан кучга киради.

ХАЛҚ ДЕПУТАТЛАРИ ҚИЗИРИҚ ТУМАНИ КЕНГАШИНИНГ ҚАРОРИ

20__-йил “___”______                                                                     № ___/VI-64                                                                                            Қизириқ т.

2023-йил 1-чоракда жамоатчилик фикри асосида шакллантирилган тадбирларни молиялаштиришга йўналтирилган маблағлар ҳисоботи тўғрисида

Ўзбекистон Республикаси Президентининг 2021-йил 13-апрелдаги “Бюджет жараёнида фуқароларнинг фаол иштирокини таъминлаш бўйича қўшимча чора-тадбирлар тўғрисида”ги ПҚ-5072-сонли Қарорига асосан Ўзбекистон Республикаси Олий Мажлиси Сенати Кенгашининг 2021-йил 22-апрелдаги КҚ-213-ИВ-сонли ва халқ депутатлари туман Кенгашининг 2021-йил 7-июндаги “Қизириқ туман маҳаллий бюджет маблағлари сарфланишида жамоатчилик иштирокини таъминлаш тўғрисида”ги 187/ВИ-32-сонли қарори билан тасдиқланган Низомнинг 25-27-бандлари ижросини таъминлаш мақсадида халқ депутатлари туман Кенгаши қарор қилади:

1. Халқ депутатлари туман Кенгашининг 2021-йил 7-июнда “Қизириқ туман маҳаллий бюджет маблағлари сарфланишида жамоатчилик иштирокини таъминлаш тўғрисида”ги 187/ВИ-32-сонли қарори билан тасдиқланган Низомнинг 27-бандига асосан 2023-йил 1-чорак давомида жамоатчилик фикри асосида шакллантирилган тадбирларни молиялаштиришга йўналтирилган маблағлар юзасидан туман Иқтисодиёт ва молия бўлими бошлиғи И.Тиловмуродовнинг ҳисоботи маълумот учун қабул қилинсин.
2. 2023-йил 1-чорак давомида жамоатчилик фикри асосида шакллантирилган тадбирларни молиялаштиришга йўналтирилган маблағлар, ўтказилган ташаббусли бюджет жараёни якунларига кўра ишларни амалга ошириш учун ажратилган маблағлар миқдори, яъни ташаббусли бюджет натижалари бўйича маълумотлар иловаларга мувофиқ тасдиқлансин.
3. Туман иқтисодиёт ва молиябўлими (И.Тиловмуродов) ҳамда туман ғазначилик хизмати бўлими (Г.Саидов) шартномаларга мувофиқ якуний маблағларни белгиланган тартибда ғолиб таклифларни молиялаштириш, натижалари бўйича маълумотларни туман ҳокимлиги ахборот хизмати (А.Бўриев) билан биргаликда келтирилган иловаларга мувофиқ шаклларда “Очиқ бюджет” ахборот портали ҳамда тумандаги ижтимоий тармоқларининг расмий веб-сайтларига жойлаштириш вазифалари юклатилсин.
4. Ушбу қарорнинг бажарилишини назорат қилиш халқ депутатлари туман Кенгашининг маҳаллий бюджет, иқтисодий ислоҳотларни амалга ошириш, туризм, инвестициялар ва тадбиркорликни ривожлантириш масалалари бўйича доимий комиссияси (Й.Умбаров) зиммасига юклатилсин.
5. Мазкур қарор қабул қилинган кундан кучга киради.